اسلام آباد-معدنی شعبے میں سرمایہ کاری کے فروغ کے لیے پاکستان منرلز انویسٹمنٹ فورم 8 اور 9 اپریل کو منعقد ہوہا ہے، وزیر اعظم محمد شہباز شریف اور آرمی چیف جنرل سید عاصم منیر انویسٹمنٹ فورم میں شرکت کریں گے۔
وزیر اعظم اور آرمی چیف پاکستان منرلز انویسٹمنٹ فورم سے خطاب بھی کریں گے۔
اس کے علاوہ فورم میں اہم غیر ملکی شخصیات، وفاقی وزراء، سیکریٹریز، اعلیٰ سطح ایگزیکٹوز اور نمایاں میڈیا شخصیات کی بھی شرکت متوقع ہے،اعلیٰ سطح امریکی وفد ایرک مائر کی سربراہی میں فورم میں شریک ہوگا ۔
معدنیات کے شعبے میں جدید ٹیکنالوجی کے موثر استعمال پر تبادلہ خیال کے لیے بین الاقوامی ماہرین بھی فورم میں شرکت کریں گے، فورم میں عالمی سرمایہ کاروں کی بھرپور شرکت سے معدنیات کے شعبے میں ترقی کے نئے امکانات روشن ہوں گے،ریکوڈک سمیت اہم معدنی منصوبوں میں سرمایہ کاری، سکیورٹی اور حکومتی پالیسیوں پر اہم سیشنز فورم کا حصہ ہیں۔
حکومت معدنی ذخائر کو پائیدار ترقی کے لیے بروئے کار لانے پر توجہ دے رہی ہے اور معدنی شعبے کے لیے ترقیاتی منصوبے زیر غورہیں، پاکستان معدنی وسائل میں سرمایہ کاری کے لیے خطے کا نیا تجارتی اور معاشی مرکز قرار دیا جارہا ہے۔
ایس آئی ایف سی کی معاونت سے اس فورم کے انعقاد کے ذریعے حکومت معدنیات کے شعبے کی ترقی سے معاشی استحکام کے لیے کوشاں ہے۔
DATE . Apr/8/2025
