وزیر ریلوے محمد حنیف عباسی نے کوئٹہ ریلوے اسٹیشن کا تفصیلی دورہ کیا ۔اس موقع پر ڈی ایس ریلوے عمران حیات خان نے وفاقی وزیر کو تفصیلی بریفنگ دی ۔وزیر ریلوے نے گزشتہ دنوں دہشتگرد حملے میں متاثرہ جعفر ایکسپریس کابھی معائنہ کیااور کم وقت میں دوبارہ ٹرین کی مرمت پر ریلوے حکام اور عملے کی تعریف کی۔وزیر ریلوے حنیف عباسی بولان جعفر ایکسپریس دہشت گرد حملے میں شہید ہونے والوں کے ورثا میں چیک بھی تقسیم کریں گے۔ وزیر ریلوے کے ہمراہ چیئرمین ریلوے سید مظہر علی شاہ، اور سی ای او ریلوے عامر علی بلوچ اور دیگر اعلی حکام بھی موجود تھے ۔
DATE . Mar/27/2025
