واشنگٹن: وفاقی وزیر برائے خزانہ و محصولات، سینیٹر محمد اورنگزیب نے آئی ایم ایف-ورلڈ بینک سپرنگ میٹنگز کے موقع پر واشنگٹن، ڈی سی میں امریکہ کے انٹرنیشنل ڈیولپمنٹ فنانس کارپوریشن (DFC) کے قائم مقام چیف ایگزیکٹو آفیسر ڈیَو جگدیسن سے ملاقات کی۔
وزیرِ خزانہ نے پاکستان کی معاشی صورتحال سے آگاہ کیا اور سرمایہ کاری کے ممکنہ منصوبوں کے بارے میں تبادلہ خیال کیا، جن میں ریکوڈک منصوبہ بھی شامل تھا۔ انہوں نے پاکستان منرلز انویسٹمنٹ فورم میں امریکی سینئر حکام کی شرکت کو سراہا اور پاکستان و امریکہ کے درمیان باہمی مفاد پر مبنی تعاون کے وسیع مواقع کو اجاگر کیا
DATE . Apr/26/2025
