وفاقی وزیر اطلاعات اور وزیراعظم کے میڈیا کوآرڈینیٹر کی فریحہ ادریس سے ان کی والدہ کے انتقال پر تعزیت

اسلام آباد :وفاقی وزیر اطلاعات عطاء اللہ تارڑ اور وزیراعظم کے میڈیا کوآرڈینیٹر بدر شہباز وڑائچ معروف سینئر اینکر پرسن فریحہ ادریس کی والدہ کے انتقال پر تعزیت کے لیے ان کی رہائش گاہ پہنچے۔

انہوں نے فریحہ ادریس اور اہلِ خانہ سے دلی تعزیت اور افسوس کا اظہار کیا، اور مرحومہ کے ایصالِ ثواب کے لیے فاتحہ خوانی کی۔

وفاقی وزیر اطلاعات عطاء اللہ تارڑ نے کہا کہ”والدہ کا انتقال اہل خانہ کے لیے ایک ناقابلِ تلافی نقصان ہے۔ مرحومہ کے انتقال سے پیدا ہونے والا خلا تادیر پُر نہیں ہو سکے گا۔ ہم سوگوار خاندان کے غم میں برابر کے شریک ہیں۔”

وفاقی وزیر اطلاعات اور وزیراعظم کے میڈیا کوآرڈینیٹر بدر وڑائچ نے مرحومہ کے درجات کی بلندی اور لواحقین کے لئے صبر جمیل کی دعا کی۔اس موقع پر پرنسپل انفارمیشن آفیسر مبشر حسن بھی موجود تھے-

DATE . JUN/12/2025