وزیراعلیٰ پنجاب مریم نوازشریف کی زیر صدارت خصوصی اجلاس منعقد ہوا جس میں 3 مرلہ فری پلاٹ سکیم سے متعلق امور کا جائزہ لیا گیا۔
وزیراعلیٰ مریم نوازشریف نے پھاٹا کو مارچ تک ہدف پورا کرنے کی ہدایت کی، انہوں نے 19اضلاع میں پھاٹا کی سابقہ 23 ہاؤسنگ سکیموں کی بہتری اور بحالی کا حکم دیتے ہوئے اس سلسلے میں فنڈز جاری کرنے کے لئے اقدامات کی بھی ہدایت کی۔
وزیراعلیٰ مریم نواز شریف نے کہا کہ انہیں بے گھر عوام کے لئے چھت فراہم کرنے کی بہت فکر ہے، اپنی چھت، اپنا گھر پروگرام کے تحت لوگوں کا گھر بنتا دیکھ کر بہت خوشی ہوتی ہے، پانچ سال میں پانچ لاکھ گھر بنانے کا ہدف پورا کرنے کے لئے پرعزم ہیں۔
اجلاس کو بریفنگ میں بتایا گیا کہ پنجاب میں اپنی چھت، اپنا گھر پروگرام کے تحت 9661 گھر زیر تکمیل ہیں، پروگرام کے تحت قرضوں کی واپسی شروع ہوچکی ہے، قرضوں کی واپسی کا تناسب 100فیصد ہے۔
اجلاس میں فری پلاٹ حاصل کرنے والے افراد کو گھر بنانے کے لئے قرض دینے کا بھی جائزہ لیا گیا-
DATE . Mar/5/2025
