جہلم:ٹلہ فیلڈفائرنگ رینج میں پاکستان ملٹری اکیڈمی کے کیڈٹس کیلئے پاکستان آرمی اور ائیرفورس نے مشترکہ فائر پاور کا شاندار مظاہرہ کیا،یہ فائر پاور مظاہرہ پی ایم اے کیڈٹس کی جنگی مشق کی تربیت کا حصہ تھا ۔
فائر پاور مظاہرے میں جنگی حکمت عملی، دفاعی صلاحیتوں، فائر پاور اور کمیونیکیشن نیٹ ورک کی ہم آہنگی کا عملی نمونہ پیش کیا گیا جس میں سپیشل سروس گروپ، آرمی ایوی ایشن اور ایئر ڈیفنس نے شاندار کارکردگی دکھائی۔
فائر پاور کے عملی مظاہرے کا مشاہدہ کرنے کے بعد پی ایم اے کیڈٹس نےجنگی کاروائیوں کی خصوصی تربیت بھی حاصل کی۔
اعلی عسکری حکام ، پی ایم اے کیڈٹس اور طلبہ نے شاندارمظاہرے کا عملی نمونہ دیکھا اور اسے سراہا،اس کے علاوہ کیڈٹس نے انسدادِ دہشتگردی کے قومی مرکز پبی کا بھی دورہ کیا اور تربیتی مشقوں کا مشاہدہ کیا،پی ایم اے کیڈٹس نے کھاریاں میں جدید ہتھیاروں اور آلات کا معائنہ بھی کیا
DATE . Apr/8/2025
