اسلام آباد-ایس آئی ایف سی کی معاونت سے ریکوڈک منصوبے میں سرمایہ کاری میں نمایاں اضافہ ہوا ہے، پاکستان منرلز انویسٹمنٹ فورم 8 اور 9 اپریل کو اسلام آباد میں منعقدہورہا ہے جسے عالمی سرمایہ کاروں کے لیے سنہری موقع قرار دیا جارہا ہے۔
فورم کا ایک حصہ معدنی نمائش پر مبنی ہو گا جس میں عالمی سطح پر کام کرنے والی مشہور کمپنیاں شریک ہوں گی ،ایس آئی ایف سی کی بھرپور حمایت کے باعث بیریک گولڈ، او جی ڈی سی ایل اور پی پی ایل کے اشتراک سے ریکوڈک میں معدنی ترقی کے نئے دور کا آغاز ہورہا ہے۔
او جی ڈی سی ایل نے ریکوڈک منصوبے کے لیے 627 ملین ڈالر کی اضافی فنڈنگ کی منظوری دے دی ہے،ریکوڈک میں اضافی فنڈنگ سے کان کنی کی ترقی، روزگار کے مواقع اور معیشت کو فروغ ملے گا۔
ریکوڈک کان کنی منصوبہ 37 سالہ دورانیے پر مشتمل ہے، پہلے مرحلے میں 5اعشاریہ 6 ارب ڈالر تک کی سرمایہ کاری متوقع ہے،او جی ڈی سی ایل اور پی پی ایل کی سرمایہ کاری سے پاکستان کی معدنی ترقی اور معیشت مزید مستحکم ہوگی۔
ریکوڈک کے پہلے مرحلے میں 2028 تک 45 ملین ٹن سالانہ پیداوار کا ہدف مقرر کیاگیا ہے، 2034 تک سالانہ 90 ملین ٹن پیداواری صلاحیت متوقع ہے، ریکوڈک منصوبے سے 13.1 ملین ٹن تانبہ اور 17.9 ملین اونس سونے کے ذخائر حاصل ہوں گے۔
ریکوڈک کی ترقی سے بلوچستان میں معاشی سرگرمیاں تیز، مقامی آبادی کو فائدہ پہنچے گا،ریکوڈک منصوبے کی توسیع سے زرِمبادلہ کے ذخائر میں اضافہ اور درآمدات پر انحصار کم ہوگا،ایس آئی ایف سی کے تعاون سے ریکوڈک منصوبے میں سرمایہ کاری میں اضافہ ہوا ہے-
DATE . Mar/30/2025
