اسلام آباد: نائب وزیراعظم محمد اسحاق ڈار نے اسلام آباد میں ایک نیوز کانفرنس سے خطاب کرتے ہوئے کہا کہ پاکستانی وفد بیرون ملک دوروں پر ہے تاکہ ملک کے مؤقف کو اجاگر کیا جا سکے۔
انہوں نے کہا کہ پاکستان نے مؤثر انداز میں حقائق دنیا کے سامنے رکھے ہیں اور دنیا نے پاکستان کی سفارتی کاوشوں کی تعریف کی ہے۔
محمد اسحاق ڈار نے مزید کہا کہ خطے میں بالادستی کے بھارتی دعوے ہوا میں اڑ گئے ہیں۔ انہوں نے بتایا کہ بھارتی الزامات اور جارحیت کے معاملے پر چین نے پاکستان کی بھرپور حمایت کی جبکہ حالیہ کشیدگی کے دوران ترکیہ نے بھی پاکستان کے ساتھ مثالی تعاون کیا۔
DATE . JUN/4/2025
