اسلام آباد: وزیر اعظم محمد شہباز شریف کی ہدایت پر غزہ کے بہن بھائیوں کی امداد جاری ہے۔ ترجمان این ڈی ایم اے کے مطابق پاکستان کی جانب سے 100 ٹن امدادی سامان غزہ روانہ کیا گیا ہے جس میں خیمے، کھانے کا ضروری سامان اور دیگر اشیاء شامل ہیں۔
ترجمان کے مطابق امدادی سامان کی کھیپ لاہور ایئرپورٹ سے مصر روانہ کی گئی، جہاں سے اسے غزہ کی جانب بھیجا جائے گا۔ وفاقی وزیر برائے پبلک افیئرز رانا مبشر اقبال بھی اس موقع پر موجود تھے۔
ترجمان این ڈی ایم اے نے بتایا کہ غزہ کے لیے روانہ کیا جانے والا یہ امدادی سامان 25ویں کھیپ ہے، جبکہ پاکستان اب تک مجموعی طور پر 2,427 ٹن امدادی سامان غزہ روانہ کر چکا ہے۔
DATE . Nov/19/2025
