جنرل اسمبلی کے صدر فِیلیمون یانگ سے ملاقات کے دوران حالیہ پہلگام واقعے کے بعد جنوبی ایشیا میں پیدا ہونے والی کشیدہ صورت حال پر تفصیلی بریفنگ دی گئی۔بلاول بھٹو زرداری نے بھارتی الزامات اور فوجی جارحیت پر شدید تحفظات کا اظہار کیا۔
بلاول بھٹو نے پاکستان کے ذمہ دارانہ اور پُرامن مؤقف کو اجاگر کرتے ہوئے کہا کہ پاکستان خطے میں امن، استحکام اور تعاون کے لیے پرعزم ہے۔ انہوں نے اس بات پر زور دیا کہ مسئلہ کشمیر کا منصفانہ اور پُرامن حل اقوام متحدہ کی قراردادوں کے مطابق ہی ممکن ہے۔
اس موقع پر اقوام متحدہ کی جنرل اسمبلی کے صدر فِیلیمون یانگ نے اقوام متحدہ کے ساتھ پاکستان کی مسلسل شمولیت کو سراہا اور اس بات پر زور دیا کہ تنازعات کا حل صرف بات چیت اور سفارتکاری سے ممکن ہے۔ انہوں نے اقوام متحدہ کے چارٹر اور بین الاقوامی قوانین کی پاسداری کو عالمی امن کا ضامن قرار دیا۔
DATE . JUN/4/2025
