لاہور: وزیر اعلیٰ پنجاب مریم نواز شریف نے کہا ہے کہ مارکیٹنگ جدید معیشت کی ریڑھ کی ہڈی ہے۔ انہوں نے ورلڈ مارکیٹنگ ڈے کے موقع پر اپنے پیغام میں مارکیٹنگ کے شعبے سے وابستہ ماہرین، اداروں، اساتذہ، طلبہ و طالبات کو خراجِ تحسین پیش کیا ہے۔
مریم نواز شریف نے کہا کہ “مارکیٹنگ محض مصنوعات کی تشہیر نہیں بلکہ ایک مکمل سائنس ہے، جو کاروبار کو وسعت دینے کے ساتھ ساتھ قومی معیشت کو مستحکم کرتی ہے”۔ انہوں نے اس بات پر زور دیا کہ ڈیجیٹل مارکیٹنگ، برانڈنگ اور ای کامرس جیسے جدید رجحانات نہ صرف کاروباری ترقی بلکہ قومی ترقی کے بنیادی ستون بن چکے ہیں۔
انہوں نے بتایا کہ پنجاب حکومت نوجوانوں کو ڈیجیٹل مارکیٹنگ، ای کامرس اور جدید برانڈنگ کی تربیت فراہم کر رہی ہے تاکہ وہ بین الاقوامی منڈیوں میں قدم رکھ سکیں۔
ان کا کہنا تھا کہ “ہم علم، اخلاق اور جدت کو ساتھ لے کر مارکیٹنگ کو پاکستان کی ترقی کا ذریعہ بنائیں گے۔”
DATE . May/27/2025
