پاکستان اور انگینڈ کے درمیان تیسرے دن کا کھیل جاری ہے جہاں انگلینڈ نے پاکستان کو جیت کے لیے 36 رنز کا ہدف دیا ہے۔
پاکستان اور انگلینڈ کے درمیان کھیلے جانے والے راولپنڈی ٹیسٹ کے تیسرے اور فیصلہ کن دن کا کھیل جاری ہے جہاں انگلینڈ نے کھیل کا آغاز 3 وکٹوں کے نقصان پر 24 رنز سے کیا تاہم انگلش ٹیم دوسری اننگز میں صرف 112 رنز ہی بنا سکی۔
پاکستان کو اب جیت کیلئے صرف 36 رنز بنانے ہوں گے، نعمان علی نے اپنی شاندار بولنگ کے باعث 5 وکٹیں لیں
جبکہ ساجد خان بھی 4 وکٹیں حاصل کرنے میں کامیاب رہے، اس طرح ساجد اور نعمان کی جوڑی نے دوسری اننگز میں 10 وکٹیں لیں۔
تیسرے دن کھیل کے آغاز میں ہیری بروک 26 رنز بنا کر نعمان علی کا شکار بنے، کپتان بین اسٹوکس تین رنز بنا کر آوٹ ہوئے، گزشتہ روز انگلینڈ کے تین کھلاڑی پندرہ کے اسکور پر آوٹ ہوگئے تھے۔ بین ڈکٹ 12، کرولی 2 اور اولی پوپ ایک رن بناکر آوٹ ہوئے، پہلی اننگز میں پاکستان نے 344 رنز بنا کر 70 رنز کی برتری حاصل کی تھی۔
پنڈی ٹیسٹ دوسرے دن کا کھیل
ٹیسٹ کے دوسرے دن شان مسعود اور سعود شکیل نے 73 رنز تین کھلاڑی آؤٹ سے اننگز آگے بڑھائی تھی، جس کے بعد کپتان شان مسعود 26 رنز بنا کر آؤٹ ہوگئے تھے، رضوان آئے اوت 25 رنز بنا کر لوٹ گئے جبکہ سلمان آغا ایک اور عامر جمال 14 رنز بنا سکے۔
177 رنز اور سات کھلاڑی آؤٹ ہوگئے تو ایسے میں سعود شکیل کا ساتھ نعمان علی نے دیا اور 88 رنز کی قیمتی شراکت لگائی، اسی دوران سعود نے اپنی چوتھی سنچری مکمل کی۔
نعمان بھی 45 رنز بنانے کے بعد سعود کا ساتھ چھوڑ گئے جس کے بعد ساجد آئے انہوں نے سعود کا خوب ساتھ نبھایا، دو چوکے اور چار چھکے بھی لگائے، تھوڑی پر گیند لگنے کے بعد بھی انہوں نے بیٹنگ جاری رکھی۔
ٹیم کا اسکور 337 پر پہنچا تو سعود شکیل 134 رنز کی شاندار اننگز کھیل کر آؤٹ ہو گئے، اس کے بعد آخری وکٹ زاہد محمود کی گری جبکہ ساجد 48 رنز بنا کر ناٹ آؤٹ رہے۔
