اسلام آباد:اسلام آباد پیڈل ایسوسی ایشن کے زیر اہتمام پہلی اسلام آباد رینکنگ پیڈل چیمپئن شپ 25 اکتوبر سے شروع ہوگی۔
اسلام آباد پیڈل ایسوسی ایشن کے صدر صہیب حسن نے میڈیا سے گفتگو کرتے ہوئے بتایا کہ ایونٹ کی تیاریاں زور و شور سے جاری ہیں ، چیمپئن شپ کے دوران تین ایونٹس منعقد ہوں گے جن میں مردوں، خواتین اور مکسڈ کے ایونٹس شامل ہیں۔
انہوں نے کہا کہ اسلام آباد رینکنگ مینز پیڈل چیمپئن شپ 25 اکتوبر سے شروع ہوگی جبکہ اسلام آباد رینکنگ ویمنز اینڈ مکسڈ پیڈل چیمپئن شپ یکم نومبر سے شروع ہوگی۔
انہوں نے کہا کہ پاکستان پیڈل ایسوسی ایشن کے صدر محمد متین نے ایونٹ منعقد کرانے کی منظوری دے دی ہے۔ چیمپئن شپ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔
DATE . Oct/21/2025
