بیجنگ ()
چائنا انٹرنیشنل فیئر فار ٹریڈ اِن سروسز 2026 کے انعقاد کے موقع پر چائنا میڈیا گروپ کے تحت سی جی ٹی این کی جانب سے دنیا بھر کے انٹرنیٹ صارفین کے لیے کیے گئے سروے میں 89.6 فیصد جواب دہندگان نے کہا کہ سروسز ٹریڈ فیئر چین کی خدماتی تجارت میں اعلیٰ معیار کے بیرونی کھلے پن کو فروغ دینے کے لیے ایک اہم پلیٹ فارم بن چکا ہے۔
رواں سال کے سروسز ٹریڈ فیئر میں پہلی مرتبہ “چائنا سروسز” نمائش کا خصوصی علاقہ قائم کیا گیا ہے، جہاں ڈیجیٹل خدمات، ثقافتی خدمات اور جدید لاجسٹکس سمیت مختلف شعبوں کی تازہ ترین کامیابیاں پیش کی جا رہی ہیں۔ اس حوالے سے 93.8 فیصد جواب دہندگان نے کہا کہ سروسز ٹریڈ فیئر محض نمائش کا پلیٹ فارم نہیں بلکہ چین کی بڑی مارکیٹ کو اعلیٰ معیار کے ساتھ مزید کھولنے کے لیے ایک اہم تجارتی پلیٹ فارم بھی ہے۔
چائنا سروسز کی نمائش کے خصوصی علاقے میں اے آئی ،لارج اے آئی ماڈلز اور ذہین ایجنٹس کو بنیادی ٹیکنالوجی کے طور پر استعمال کرنے والے کیسز کا حصہ تقریباً 40 فیصد ہے۔ متعدد نئی ٹیکنالوجیز اور نئی مصنوعات عالمی سطح پر پہلی بار اور چین میں پہلی بار متعارف کرائی جا رہی ہیں۔ 90.3 فیصد جواب دہندگان نے کہا کہ چین کی خدماتی تجارت میں ٹیکنالوجی کا کردار تیزی سے بڑھ رہا ہے اور انہیں توقع ہے کہ ٹیکنالوجی کی مدد سے چینی خدمات عالمی صارفین کے لیے مزید بہتر تجربہ فراہم کریں گی۔
دنیا کے پہلے جامع اور بین الاقوامی نمائش پلیٹ فارم کے طور پر جو خصوصی طور پر خدمات کی تجارت پر توجہ مرکوز کرتا ہے، سروسز ٹریڈ فیئر میں اب تک دنیا کے تقریباً 200 ممالک اور خطوں سے 14 لاکھ 70 ہزار نمائش کنندگان اور خریدار شرکت کر چکے ہیں۔ سروے میں 87.6 فیصد جواب دہندگان نے کہا کہ چین کی جانب سے سروسز ٹریڈ فیئر کا مسلسل انعقاد اعلیٰ معیار کے بیرونی کھلے پن کو وسعت دینے کے عزم کا اظہار ہے اور یہ عالمی برادری کی عمومی توقعات سے ہم آہنگ ہے۔
مزید 83.8 فیصد جواب دہندگان نے کہا کہ تحفظ پسندی کے رجحان میں اضافے کے پس منظر میں چین کی جانب سے خدماتی تجارت کے شعبے میں مؤثر رسد اور ترقی کی نئی قوت کو مسلسل وسعت دینا عالمی معیشت کی بحالی کے لیے قیمتی اعتماد اور استحکام فراہم کر رہا ہے۔
DATE . 8/Sep/2026