وزیرِ اعظم نےکہاہے کہ 27 فروری 2019 کو پاکستان ائیر فورس کی جانب سے دشمن کو ایک واضح پیغام دیاگیا کہ پاکستان اپنی سرحدوں کی حفاظت کی بھرپور صلاحیت رکھتا ہے۔
آپریشن سوئفٹ ریٹارٹ کے چھ برس گزرنے کے موقع پر افواج پاکستان کی جرأت و بہادری، پیشہ ورانہ صلاحیتوں کو خراج تحسین پیش کرتے ہوئے وزیراعظم نےکہاکہ ہماری افواج نے بھارت کی خطے میں جارحیت کا منہ توڑ جواب دیتے ہوئےثابت کیاکہ پاکستان کی سلامتی کیلئے ہمارے جوان ہر دم تیار ہیں۔ آپریشن سوئفٹ ریٹارٹ میں پاکستان ائیر فورس نے عسکری صلاحیتوں اور وطن سے حفاظت کے غیر متزلزل عزم سے دشمن کو واضح پیغام دیا کہ افواج پاکستان ملکی سلامتی کیلئے کسی بھی طرح کی جارحیت کا مقابلے کرنےکی بھرپور صلاحیت رکھتی ہے۔انہوں نےکہاکہ مجھ سمیت پوری قوم کو اپنی بہادر افواج پر فخر ہے۔ملکی حفاظت کی خاطر افواج پاکستان کی عظیم قربانیوں کوکبھی فراموش نہیں کیاجاسکتا۔وزیراعظم نےکہاکہ پاکستان علاقائی امن کو فروغ دینے کے لیے ہمیشہ کوشاں رہا ہے، لیکن جب کبھی پاکستان کی قومی سلامتی اور استحکام پر ضرب لگانے کی کوشش کی گئی، تو افواج پاکستان اور پوری قوم سیسہ پلائی دیوار ثابت ہوئی۔
اس پوسٹ کو شیئر کریں
DATE . Feb/27/2025
