خیبر پختونخوا کے عوام دہشت گردی اور فتنہ الخواج کے خلاف اٹھ کھڑے ہوگئے۔
ضلع خیبر کی وادی تیراہ میں چھٹی پر آئے سکیورٹی اہلکار کےگھر کا محاصرہ کرنے والے مسلح افراد کے خلاف مقامی افراد متحد ہوگئے اور ثابت کیا وہ اپنی سرزمین پر دہشت گردی کی کوئی گنجائش نہیں چھوڑیں گے ۔
عوام کا کہنا ہے کہ دہشت گردی کے خلاف جنگ میں ہم پاک فوج کے ساتھ کھڑی ہیں،فتنہ الخوارج پشتون ،پنجابی، بلوچ اور سندھی قوم کے خلاف کارروائیاں کررہے ہیں،فتنہ الخوارج نے نہ مساجد کو بخشا اور نہ ہی علماء کرام کو۔
تیراہ واقعہ سے یہ ثابت ہو چکا ہے کہ عوام دہشت گردوں کے خلاف خود کھڑے ہو کر اپنے علاقوں کو محفوظ بنانے کے لیے پرعزم ہیں،عوام کی مزاحمت نے واضح کر دیا کہ خیبرپختونخوا میں دہشت گردی کو کسی صورت برداشت نہیں کیا جائے گا، عوام کی جانب سے دہشت گردوں کے خلاف ڈٹ جانے کا مطلب ایک پرامن اور خوشحال کل کی بنیاد رکھنا ہے۔
DATE . Mar/20/2025
