اسلام آباد-وزیرِ اعظم نے معاشی اصلاحات کے وژن اور ایف بی آر کی کارکردگی میں بہتری کے نتیجے میں کامیابیوں کا سلسلہ جاری ہے۔
وزیرِ اعظم نے فنانس ایکٹ 2023 میں بینکوں کی اضافی آمدن ( ونڈ-فال آمدن) پر لگائے گئے ٹیکس کے حکم امتناع کے مقدمات کا نوٹس لیتے ہوئے وزیر قانون، وزیرِ خزانہ، اٹارنی جنرل اور چیئرمین ایف بی آر کو ان مقدمات کی پیروی کیلئے بہترین ٹیم تشکیل دینے کی ہدایت کی تھی۔
ٹیم کی کاوشوں کی بدولت ایک ماہ میں سندھ ہائی کوٹ کے فیصلوں سے 23 ارب روپے جبکہ لاہور ہائی کورٹ کے فیصلوں سے 11.5 ارب روپے قومی خزانے میں آئے ہیں ،حکم امتناعی خارج ہونے پر پنجاب کے بینکوں نے آج واجب الادا ٹیکس قومی خزانے میں جمع کرایا ،پنجاب کے 7 بینکوں نے مجموعی طور پر 11 ارب 48 کروڑ 36 لاکھ، 58 ہزار سات سو ایک روپے کی رقم قومی خزانے میں جمع کرائی
وزیرِ اعظم نے وزیرِ قانون و انصاف اعظم نذیر تارڑ، وزیرِ خزانہ محمد اورنگزیب، اٹارنی جنرل منصور اعوان، چیئرمین ایف بی آر راشد محمودلنگڑیال، سیکرٹری خزانہ اور انکی ٹیم کی کوششوں کو سراہتے ہوئے کہاہےکہ ٹیم نے اپنی محنت سے تاریخی اقدام ممکن بنایا، وزیراعظم نے کہاکہ اسی طرح کے تخلیقی اور مضبوط اقدامات سے ہی ٹیکس اکٹھا کرنے میں اضافہ اور معیشت میں مزید بہتری کی امید کی جاسکتی ہے،اسی طرح کے مزید اقدامات سے پاکستان کو بہت جلد خود کفیل بنائیں گے۔
وزیر اعظم نے ہدایت کی کہ قومی خزانے میں جمع ہونےوالی رقم صحت، تعلیم اور دیگر عوامی فلاحی منصوبوں پر خرچ کی جائے گی
DATE . Mar/22/2025
