چیئرمین پاکستان کرکٹ بورڈ محسن نقوی کی دعوت پر آئی سی سی ویمنز کرکٹ ورلڈ کپ کوالیفائر میں شریک کھلاڑیوں اور آفیشلز نے واہگہ بارڈر کا دورہ کیا۔پاکستانی و غیر ملکی خواتین کھلاڑیوں نے پاکستانی پرچم اتارنے کی ولولہ انگیز تقریب دیکھی۔غیر ملکی کھلاڑی اورآفیشلز تقریب سے بہت محظوظ ہوئے۔کھلاڑیوں نے پاکستان زندہ باد اور جیوے جیوے پاکستان کے نعرے بھی لگائے۔رینجرز کے جوانوں کی زبردست پریڈ کو کھلاڑیوں نے بھر پور داد دی۔ خواتین کھلاڑیوں اور آفیشلز نے پاکستان رینجرز پنجاب کے جوانوں کے ساتھ تصویریں بنوائیں اور پُر جوش تقریب کی تعریف کی۔ پاکستان رینجرز پنجاب کی جانب سے کپتانوں کو سوونیر دئیے گئے۔
Date . Apr/17/2025
