چیئرمین سینیٹ کی چیئرپرسن فیڈریشن کونسل روس ویلنٹینا سے ملاقات کی

ماسکو: چیئرمین سینیٹ پاکستان سید یوسف رضا گیلانی نے آج روسی فیڈریشن کی فیڈریشن کونسل کی چیئرپرسن ویلنٹینا میتوینکو سے اہم ملاقات کی۔ ملاقات میں دونوں رہنماؤں نے دوطرفہ تعلقات، پارلیمانی تعاون کے فروغ، تجارتی و اقتصادی شراکت داری، توانائی کے شعبے میں تعاون، اور تعلیم کے میدان میں باہمی تبادلہ خیال پر زور دیا۔

چیئرمین سینیٹ نے کہا کہ پاکستان روس کے ساتھ تعلقات کو خصوصی اہمیت دیتا ہے اور دونوں ممالک کے درمیان پارلیمانی سفارت کاری کو مزید مضبوط بنانے کی ضرورت ہے۔ انہوں نے علاقائی سلامتی، اقتصادی ترقی، اور بین الاقوامی چیلنجز سے نمٹنے کے لیے مشترکہ کوششوں پر زور دیا۔

روسی چیئرپرسن ویلنٹینا میتوینکو نے بھی پاکستان کے ساتھ دیرینہ تعلقات کو سراہا اور کہا کہ دونوں ممالک کے درمیان پارلیمانی روابط عوامی سطح پر دوستی کو مزید مستحکم بنانے کا ذریعہ بن سکتے ہیں۔

ملاقات خوشگوار ماحول میں ہوئی اور دونوں جانب سے تعاون کو مزید وسعت دینے پر اتفاق کیا گیا۔

DATE . May/13/2025