اوورسیز ایمپلائمنٹ کارپوریشن نے کویت کے لیے ملازمین بھجوانے کا اعلان کیا/ فائل فوٹو
(ویب ڈیسک) وزارت اوورسیز پاکستانی و انسانی وسائل کی ترقی کے ادارے اوورسیز ایمپلائمنٹ کارپوریشن (OEC)نے کویت کے لیے ملازمین بھجوانے کا اعلان کر دیا۔ نوکری کے خواہشمند افراد کے لیے درخواست دینے کی آخری تاریخ 5 جون مقرر کی گئی ہے۔
سرکاری ذرائع نے اے پی پی کو بتایا کہ ایک نجی کمپنی کو ایسے سیکیورٹی گارڈز درکار ہیں جو مقررہ شرائط پر پورا اُترتے ہوں۔ امیدواروں کے لیے جسمانی، طبی طور پر صحت مند اور ذہنی طور پر مستحکم ہونا لازمی ہے۔ صرف وہ امیدوار اہل ہوں گے جن کے پاس سیکیورٹی کے شعبے میں کم از کم 2 سے 3 سال کا تجربہ ہو۔ تاہم، ایسے نئے امیدوار جنہیں سیکیورٹی کے شعبے میں غیر معمولی مہارت ہو، وہ بھی اہل قرار دیے جا سکتے ہیں۔ درخواست دہندہ کے پاس انگریزی زبان میں اچھی گفت و شنید اور تحریری مہارت ہونی چاہیے۔
امیدوار کا تعلیمی معیار کم از کم میٹرک یا انٹرمیڈیٹ (یعنی 10 یا 12 سالہ تعلیم) ہونا لازمی ہے۔ قد 179 سینٹی میٹر یا اس سے زائد (یعنی 5 فٹ 9 انچ یا اس سے زیادہ) ہونا چاہیے۔ عمر کی حد 23 سے 36 سال مقرر کی گئی ہے۔ صرف مرد حضرات اہل ہیں۔ پاسپورٹ کم از کم 2 سال کے لیے درست ہونا چاہیے۔
ذرائع کے مطابق، درخواست کے ساتھ قومی شناختی کارڈ کی کاپی بھی لازم ہے۔ کمپنی کی جانب سے مفت رہائش، مفت ٹرانسپورٹ، جم سہولت، سرکاری میڈیکل انشورنس، گروپ لائف انشورنس، روزانہ 12 گھنٹے اور ماہانہ 28 دن کام کا موقع فراہم کیا جائے گا۔ ویزا اور رہائش کے اخراجات کمپنی خود برداشت کرے گی۔
دلچسپی رکھنے والے امیدوار او ای سی کی ویب سائٹ https://oec.gov.pk/ پر آن لائن درخواست دے سکتے ہیں۔ تکنیکی مسائل کی صورت میں او ای سی کی ہیلپ ڈیسک ٹیم سے رابطہ کریںUAN: 0311-0011-632، ای میل helpdesk@oec.gov.pk، امیدوار کو آن لائن درخواست جمع کراتے وقت 500 روپے کا بینک چالان بھی جمع اور منسلک کرنا ہوگا۔
DATE . May/29/2025
