ہنوئی: پاکستان اور ویتنام کے درمیان مشترکہ تجارتی کمیٹی (JTC) کا پانچواں منعقد ہوا جو آٹھ سال کے تعطل کے بعد اس اہم ادارہ جاتی فورم کی بحالی کا مظہر ہے۔
اجلاس کی مشترکہ صدارت پاکستان کی وزارتِ تجارت کے ایڈیشنل سیکرٹری جناب ناصر حامد اور ویتنام کی ڈپٹی وزیر برائے صنعت و تجارت فان تھی تھانگ (PHAN THI THANG) نے کی۔
معاہدہ پر دستخط کی تقریب میں پاکستان کے وفاقی وزیر برائے تجارت جام کمال خان اور ویتنام کے وزیر برائے صنعت و تجارت نگوین ہونگ دیئن نے خصوصی طور پر شرکت کی ۔کمیٹی نے دونوں ممالک کے درمیان موجودہ دو طرفہ تجارت کی صورتحال کا تفصیلی جائزہ لیا۔ مستقبل میں تعاون کے لیے جن اہم شعبہ جات پر تبادلہ خیال کیا گیا ،ان میں تجارتی سہولت کاری، منڈی تک رسائی، ٹیکسٹائل اور فشریز، حلال سرٹیفکیشن، سول ایوی ایشن، صحت عامہ اور بینکاری چینلز شامل ہیں۔ دونوں فریقین نے ان شعبوں میں تعاون کے وسیع امکانات پر اتفاق کیا۔
اجلاس کا ایک اہم نتیجہ یہ رہا کہ دونوں فریقین نے پاکستان اور ویتنام کے درمیان ترجیحی تجارتی معاہدے (PTA) پر بات چیت کا آغاز 2025 کے اندر کرنے پر اتفاق کیا۔ اس کے علاوہ، دیرپا تجارتی ترقی کے لیے ادارہ جاتی اور کاروباری روابط کو فروغ دینے پر بھی زور دیا گیا۔
اجلاس کے اختتام پر، دونوں ممالک نے باہمی تجارت کی چھپی ہوئی صلاحیت کو اجاگر کرنے کے عزم کا اعادہ کیا۔ جے ٹی سی کا چھٹا اجلاس پاکستان میں باہمی مشاورت سے طے شدہ وقت پر منعقد کیا جائے گا۔
DATE . July/13/2025
