والدہ کی سپورٹ کی وجہ سے اس مقام پر ہوں، فیضلہ قاضی

اداکارہ فضیلہ قاضی کا کہنا ہے کہ آج میں جو کچھ بھی ہوں وہ والدہ کی وجہ سے ہی ہوں۔

اے آر وائی ڈیجیٹل کے پروگرام گڈ مارننگ پاکستان میں اداکارہ فضیلہ قاضی نے شرکت کی اور ماں کے حوالے سے اپنی خیالات کا اظہار کیا۔

انہوں نے کہا کہ میری والدہ مجھ سے زیادہ مضبوط خاتون تھیں، وہ کسی پر انحصار کرکے نہیں بلکہ اپنے آپ میں خود مضبوط خاتون تھیں۔

اداکارہ نے کہا کہ وقت کے ساتھ احساس ہوتا ہے کہ والدہ کے وہ کونسے فیصلے تھے جس کی وجہ سے چیزیں بہتر ہوتی چلی گئیں۔

فضیلہ قاضی نے کہا کہ میری والدہ کی سپورٹ کی وجہ سے آج اس مقام پر ہوں۔

My Mother, My Inspiration | Fazila Kaiser

اس سے قبل انٹرویو میں انہوں نے کہا تھا کہ اولاد کو تو والدین کو ’اُف‘ تک نہیں کہنا چاہیے، معلوم نہیں اولاد اتنی بدتمیزی کیسے کرلیتی ہے، حالانکہ اللہ تعالیٰ نے فرمایا ہے کہ والدین کو کبھی بھی اُف تک نہ کہو، سوائے اس صورت میں کہ وہ تمہیں میرے علاوہ کسی اور کو سجدہ کرنے کا کہیں۔

اداکارہ کا کہنا تھا کہ ایسی صورتحال میں بھی اولاد کو والدین سے بدتمیزی نہیں کرنی چاہیے بلکہ اپنے رویے سے یہ ظاہر کرنا چاہیے کہ والدین غلطی پر ہیں۔

فضیلہ قاضی کا کہنا تھا کہ والدین اولاد کے لیے اتنی قربانیاں دیتے ہیں کہ اولاد چاہ کر بھی کبھی ان کا قرض نہیں اتار سکتی اور اس کا اندازہ اولاد کو تب ہی ہوتا ہے جب وہ خود والدین کے مقام پر فائز ہوتے ہیں۔

ان کا مزید کہنا تھا کہ ماں باپ کا رتبہ اور ان کی محبت بے مثال ہوتی ہے، مگر بدقسمتی سے اولاد کو اس کا شعور اکثر دیر سے حاصل ہوتا ہے۔

DATE . July/29/2025