آئی سی سی ویمنز ورلڈکپ میں جنوبی افریقا نے دلچسپ مقابلے کے بعد بھارت کو ہرا دیا

آئی سی سی ویمنز ورلڈ کپ میں جنوبی افریقا نے میزبان بھارت کو دلچسپ مقابلے کے بعد 3 وکٹوں سے ہرا دیا۔

جنوبی افریقا ویمنز ٹیم نے  بھارت کا 252 رنز کا ہدف 7 گیندوں پہلے حاصل کر لیا۔

جنوبی افریقی بیٹر نڈائن ڈی کلرک نے 54 گیندو ں پر 84 رنز کی ناقابل شکست اننگز کھیل کر اپنی ٹیم کو فتح دلائی۔

بھارت کی اننگز

وشاکا پٹنم میں بھارتی ٹیم نے  پہلے بیٹنگ کرتے ہوئے شروعات تو اچھی کی ، اوپنرز نے 55 رنز کی بنیاد رکھی ،لیکن پھر جنوبی افریقا کی بولرز چھا گئیں ، ایک ایک کر کے وکٹیں گرائیں ، 102 رنز پر بھارت کی 6 بیٹرز پویلین پہنچ گئیں۔

اس مشکل میں بھارتی بیٹر رچا گوش نے اچھی بیٹنگ کی  اور 77 گیندوں پر 94 رنز بنائے ، سنہے رانا نے 33رنز اسکور کیے ۔

تاہم بھارتی ٹیم 49.5 اوورز میں 251 رنز بنا کرآؤٹ ہوگئی ۔

جنوبی افریقا کی اننگز

252 رنز کے ہدف کےتعاقب میں جنوبی افریقا کی 2  وکٹیں 18رنز پر گر گئیں ، لیکن کپتان لورا ڈٹ گئیں۔ 

جنوبی افریقا کی تیسری وکٹ 57رن پر گری اور 81 کے اسکور پر آدھی ٹیم پویلین پہنچ گئی ، کپتان بھی 70رنز بناکر آؤٹ ہوئیں۔

ایسے میں کلو ٹرایئون اور نڈائن ڈی کلرک نے ذمہ درانہ بیٹنگ کی۔تاہم کلو ٹرایئون 49 رنز بنا کر آؤٹ ہوئی ، لیکن نڈائن ڈی کلرک نے خوبصورت انداز میں میچ فنش کیا ۔ نڈائن ڈی کلرک 54 گیندو ں پر 84 رنز بنا کر ناٹ آوٹ رہیں۔

جنوبی افریقا نے 49 ویں اوور میں  3 وکٹ سے کامیابی حاصل کرلی۔

ایونٹ میں آج نیوزی لینڈ اور بنگلا دیش کی ٹیمیں گوہاٹی میں مد مقابل ہوں گی۔

DATE . Oct/11/2025