اسلام آباد:وفاقی وزیر آئی ٹی و ٹیلی کام شزا فاطمہ خواجہ سے WTDC کے سائڈ لائنز پر سعودی عرب کے کمیشن برائے کمیونی کیشنز، اسپیس اینڈ ٹیکنالوجی کے ڈپٹی گورنر عبداللہ عبدالرحمن المبدّل نے ملاقات کی ۔
ا
ملاقات میں شزا فاطمہ نے پاکستان اور سعودی عرب کے تاریخی برادرانہ تعلقات اور آئی سی ٹی شراکت داری کے مستحکم ہوتے ہوئے سفر کو سراہا۔دونوں فریقین نے اس امر پر اتفاق کیا کہ پاکستان کا ڈیجیٹل وژن، سعودی وژن 2030 کے AI، IOT، کلاؤڈ اور اسمارٹ سٹی اہداف سے مکمل ہم آہنگ ہے۔
شزا فاطمہ نے پاکستان کی نوجوان اور ٹیک سیوی ورک فورس کو خطے کا سب سے بڑا ٹیلنٹ پول قرار دیا اور کہا کہ پاکستان کا مسابقتی ٹیکس رجیم سعودی سرمایہ کاری کے لیے ایک اہم موقع ہے۔
وفاقی وزیر نے پاکستان کی بڑھتی ہوئی ICT ایکسپورٹس کو دوطرفہ کامیابی کی واضح علامت قرار دیتے ہوئے سعودی عرب کو ڈیجیٹل ایف ڈی آئی انیشی ایٹو کے تحت پاکستان میں ڈیجیٹل انفراسٹرکچر، خصوصاً ڈیٹا سینٹرز اور نیشنل اے آئی انوویشن ہب میں سرمایہ کاری کی دعوت دی۔
انہوں نے پاکستان اسٹارٹ اپ فنڈ میں سعودی نیشنل ٹرانسفارمیشن پروگرام کی شمولیت کی تجویز بھی پیش کی۔
DATE . Nov/18/2025
