چین اور برازیل کا جامع تزویراتی تعاون مزید مضبوط بنانے پر اتفاقدو نوں مما لک انسانی تہذیب کی ترقی کے ساتھ ثابت قدمی سے کھڑے رہیں، چینی صدربیجنگ ()چین کے صدر شی جن پھنگ نے برازیل کے صدر لوئیز اناسیو لولا دا سلوا سے ٹیلیفونک گفتگو کی۔پیر کے روزشی جن پھنگ نے کہا کہ حالیہ برسوں میں چین۔برازیل ہم نصیب معاشرے کی تعمیر اور دونوں ممالک کی ترقیاتی حکمت عملیوں میں ہم آہنگی کے حوالے سے مثبت پیش رفت ہوئی ہے، جس نے نہ صرف دونوں ممالک کی ترقی اور عوام کی فلاح و بہبود میں اہم کردار ادا کیا بلکہ موجودہ غیر یقینی بین الاقوامی صورتحال میں استحکام بھی فراہم کیا ہے۔ انہوں نے کہا کہ چین، برازیل کے ساتھ دوطرفہ اور کثیرالجہتی تزویراتی تعاون کو مزید مضبوط بنانے اور چین۔برازیل ہم نصیب معاشرے کی تعمیر کے مثبت عمل کو آگے بڑھانے کا خواہاں ہے۔شی جن پھنگ نے زور دیا کہ نئی صورتحال اور نئے چیلنجز کے پیشِ نظر چین اور برازیل، گلوبل ساؤتھ کے اہم ارکان کی حیثیت سے، تاریخ کے درست رخ اور انسانی تہذیب کی ترقی کے ساتھ ثابت قدمی سے کھڑے رہیں، عالمی نظامِ حکمرانی میں اصلاحات، بین الاقوامی عدل و انصاف کے فروغ میں مزید تعمیری کردار ادا کریں۔ انہوں نے کہا کہ دونوں ممالک کو مل کر وسیع تر برکس تعاون کی اعلیٰ معیار کی ترقی کو آگے بڑھانے، تعاون کی درست سمت برقرار رکھنے، اتحاد کو مضبوط بنانے اور مزید عملی نتائج حاصل کرنے چاہییں تاکہ گلوبل ساؤتھ کے اتحاد اور خود انحصاری کا نیا باب رقم کیا جا سکے۔شی جن پھنگ نے کہا کہ چین برازیل کے بین الاقوامی مقام اور اثر و رسوخ کو انتہائی اہمیت دیتا ہے، برازیل کی خودمختاری اور آزادی کے تحفظ کی حمایت کرتا ہے، بیرونی مداخلت کی مخالفت کرتا ہے اور علاقائی و عالمی امن و استحکام کے لیے برازیل کے کردار کو سراہتا ہے۔صدر لوئیز اناسیو لولا دا سلوا نے کہا کہ زیادہ منصفانہ دنیا اور زیادہ پائیدار کرۂ ارض کی تعمیر کے لیے چین۔برازیل ہم نصیب معاشرے کی تشکیل میں مثبت پیش رفت ہوئی ہے۔برازیل مصنوعی ذہانت، توانائی اور معدنیات سمیت مختلف شعبوں میں چین کے ساتھ تعاون کو وسعت دینے کا خواہاں ہے، زیادہ سے زیادہ چینی کمپنیوں کی برازیل میں سرمایہ کاری کا خیرمقدم کرتا ہے اور امید رکھتا ہے کہ دونوں ممالک کا تعاون مزید متنوع اور نتیجہ خیز ثابت ہوگا۔
DATE . 27/July/2026
